नवरा म्हणजे कोण ?
जे आहे ते सारं
तुझंच म्हणत
सगळं
स्वतःच्या नावावर ठेवणारा!
नवरा म्हणजे कोण?
मी तुझा गुलाम म्हणत
सगळी कामं करवून घेणारा..
नवरा म्हणजे कोण?
तुझ्या हाताला
आईसारखी चव नाही
म्हणत फर्माईशी करणारा!
नवरा म्हणजे कोण?
तू म्हणशील तसं करु
म्हणत
अंतीम निर्णय देणारा!
नवरा म्हणजे कोण?
रविवारभर टी.व्हीसमोर लोळून
सुट्टी साजरी करणारा...
नवरा म्हणजे कोण?
स्वतःची ढेरी नजरेआड करुन
बायकोचा बांधा सुटलाय म्हणणारा!
नवरा म्हणजे कोण
मी बायकोला
घाबरून आहे दाखवत
तिला शेंड्या लावायची
संधी शोधणारा!
नवरा म्हणजे कोण?
उधळलेल्या वारुला जणू
लग्नाचा लगाम घातलेला.
नवरा म्हणजे कोण?
पदरी पाडून पवित्र
मानून घेतलेला....